Монгол Улсын Ерөнхий сайд У.Хүрэлсүх БНСУ-ын Ерөнхийлөгч Мүн Жэ Ин-тэй уулзлаа. 

Уулзалтын үеэр улс төр, эдийн засаг, нийгмийн олон асуудлаар харилцан санал, бодлоо солилцжээ.

Уулзалтын үеэр ажил хэрэгч, халуун дулаан уур амьсгалтай яриа өрнөлөө хэмээн Засгийн газрын гишүүн Сангийн сайд Ч.Хүрэлбаатар бичсэн байна.

Ерөнхий сайд У.Хүрэлсүх БНСУ-ын Ерөнхийлөгч Мүн Жэ Интэй уулзсаны дараа, тус улсын Ерөнхий сайд Ли Наг Ен-тэй албан ёсны хэлэлцээ хийнэ.

Айлчлалын үеэр  БНСУ-ын Үндэсний Ассамблейн болон Засгийн газрын зарим гишүүдтэй уулзаж, харилцаа, хамтын ажиллагааны  асуудлаар санал солилцохын зэрэгцээ Монгол, Солонгосын Бизнес форумд оролцож, тус улсад оршин сууж, амьдарч буй монгол иргэдийн төлөөлөлтэй уулзах болно.