Тухайлбал БНХАУ-ын Засгийн газрын 1.0 тэрбум ам.долларын хөнгөлөлттэй зээл олгох хүрээнд 300.0 сая ам.долларыг Улаанбаатар хотын төв цэвэрлэх байгууламжийг шинэчлэн барьж байгуулах ажлыг 2 дугаар улиралд багтаан эхлүүлэхээр төлөвлөж байгаатай холбогдуулан санхүүжилтийг олгох асуудлыг түргэлүүлэх, гэр хорооллын инженерийн дэд бүтцийг сайжруулах, инженерийн дэд бүтэц хүрэлцээгүй бүсүүдэд “Сервис центр” бичил дэд төвүүдийг байгуулах төслийн ажлыг яаралтай эхлүүлэхэд дэмжлэг үзүүлэх, МУ-ын барилгын салбарт “1008 айлын түр байрлах орон сууц төсөл” (ногоон нуур орон сууц хороолол)-ыг хэрэгжүүлэхэд олгох санхүүжилт, БНХАУ-ын Хэмжил, зураглал, гео мэдээллийн агентлаг болон Монгол Улсын Барилга, хот байгуулалтын яам харьяат Газрын харилцаа, геодези, зураг зүйн газар хооронд харилцан ойлголцлын Санамж бичиг байгуулах зэрэг асуудлуудаар яриа, хэлэлцээр хийлээ.

Уулзалтын эцэст Монгол улсад суугаа Элчин сайд Шинь Хаймин хэлэлцээрээр яригдсан асуудлуудыг БНХАУ-ын засгийн газарт яаралтай уламжилж, танилцуулахаа мэдэгдсэн юм.