Агаарын бохирдлыг бууруулахад дорвитой, цогц арга хэмжээ авахыг Засгийн газраас шаардаж "Утааны эсрэг ээж аавууд" ТББ жагсаал хийлээ.

ТББ-ийн зүгээс утаа гамшгийн түвшинд хүрснийг хүлээн зөвшөөрөх шаардлагатай гэж үзэж байна. Тиймээс агаарын бохирдлоос үүдэлтэй гэдэг нь батлагдсан хатгалгаа болон бусад өвчлөл эндэгдэлд нөхөн олговор олгох, эмнэлгийн орны хүрэлцээг нэмэхэд яаралтай арга хэмжээ авахыг шаардлаа. Мөн Түрээсийн орон сууц хөтөлбөрийг шуурхайлж, иргэдийг орон сууцжуулах хөтөлбөрт тодорхой үр дүн гаргах шаардлагыг Засгийн газарт хүргүүлж байгаа юм. Харин Засгийн газар  ээлжит бусаар хуралдаж сургууль, цэцэрлэгийн анги, танхим, эмнэлгүүдийн хүүхдийн тасгийг агаар шүүгчээр хангахад дөрвөн тэрбум төгрөг төсөвлөх шийдвэр гаргалаа.