Ерөнхий сайд У.Хүрэлсүх өнгөрсөн долоо хоногийн Баасан гаригт УИХ-ын дарга, МАН-ын дарга М.Энхболдтой уулзаж, Засгийн газрын бүтэц, бүрэлдэхүүний талаар зөвшилцжээ.

Уг зөвшилцлөөр талууд сайдын суудлаа 7х8-ын харьцаагаар хувааж, нэр дэвшүүлэхээр болсон ч хэнийг сайдад нэр дэвшүүлэхээ эцэслээгүй гэх мэдээлэл гараад байна.

Ж.Эрдэнэбатын Засгийн газар 13 яамтай байсан. Энэ тоо өөрчлөгдөхгүй ч Шадар сайд, Засгийн газрын хэрэг эрхлэх газрын даргын суудлыг нэмэхэд 7х8-ын харьцаа хадгалагдаж байгаа юм.

УИХ дахь намын бүлгүүд өнөөдөр хуралдана. Энэ үеэр МАН-ын бүлэг Засгийн газрын бүтэц, бүрэлдэхүүнийг хэлэлцэж, эцсийн шийдлийг гаргах аж.

Ерөнхий сайд У.Хүрэлсүхэд дэслэгч генерал Ц.Тогоог Батлан хамгаалахын сайд болгох сонирхол бий ч, Засгийн газраа УИХ-аас бүрдүүлж, хүчирхэг танхимтай болно гэх үгийг намынхандаа амлачихсан, мөн бүлэг дээрээ Б.Бат-Эрдэнэ сайдыг танхимдаа үлдээх санал гаргасан зэрэг нь эцсийн сонголт хийхэд түвэгтэй болгожээ.

Тандалтаар шинэ Засгийн газарт багтах өндөр магадлалтай эрхэмүүдийг танилцуулж байна.

•     Ерөнхий сайд У.Хүрэлсүх
•  Шадар сайд Ч.Улаан, Н.Энхболд, Ө.Энхтүвшин
•    Засгийн газрын Хэрэг эрхлэх газрын дарга Г.Занданшатар
•    Гадаад харилцааны сайд  Д.Цогтбаатар
• Сангийн сайд Ч.Хүрэлбаатар
• Хууль зүй, дотоод хэргийн сайд  Ш.Раднаасэд, Ц.Нямдорж (Ц.Нямдорж гишүүний хувьд татгалзсан гэх мэдээлэл бий)
• Батлан хамгаалах дэслэгч генерал Ц.Тогоо
• Байгаль орчин, аялал жуулчлалын сайд тодорхойгүй
• Хүнс, хөдөө аж ахуй, хөнгөн үйлдвэрийн сайд тодорхойгүй
• Барилга, хот байгуулалтын сайд  Б.Батзориг
• Боловсрол, соёл, шинжлэх ухаан, спортын яам Д.Сарангэрэл
• Зам, тээврийн хөгжлийн сайд Л.Энх-Амгалан
• Уул уурхай, хүнд үйлдвэрийн яам- Д.Сумъяабазар
• Эрчим хүчний яам Ц.Даваасүрэн, П.Ганхүү,
• Эрүүл мэндийн сайд  Т.Ганди, салбарын төлөөлөл яригдаж эхэлсэн
•  Хөдөлмөр, нийгмийн хамгааллын сайд С.Чинзориг