Ах дүү, амраг садан, ойрын хүнээ улсын их хурал, иргэдийн төлөөлөгчдийн хуралд сойж, суудал авбал өөрийн булхайгаа халхавчилж, будилаан хутгах улс төрийн олгарихууд олон. Энэ нь МАН, АН-д ч хамаатай. Гэхдээ шинэ үеийнхэн гэгчдийн дунд төрийн өндөр албан тушаал хашиж байсан улс төрчдийн төрсөн хүүхдүүд ба төрсөн, ах, эгчийнх нь хүүхдүүд олноор байгаа нь анхаарал татна.  Аймаг, нийслэл, сум, дүүргийн ИТХ-ын 2024 оны сонгуулийн нэр дэвшүүлэлт ч үүнийг тод харуулж буй юм.

УИХ-ын дарга асан М.Энхболдын охин, УИХ-ын гишүүн, сайд асан Лу.Болдын төрсөн эгч, дүү нарынх нь хүүхэд, Монгол Улсын Ерөнхийлөгч асан Х.Баттулгын төрсөн дүүгийн хүүхэд гэх мэтээр энэ жагсаалт үргэлжилнэ.

УИХ-ын гишүүн асан, "Монос" группийн ТУЗ-ийн гишүүн, доктор Л.Эрдэнэчимэг ч энэ жишгээс дуталгүй дунд хүү Б.Ононгоо НИТХ-ын 2024 оны сонгуульд АН-аас нэр дэвшүүлээд явж буй.

Энэ мэтчилэн төрийн албанд улс төрийн ургийн мод гинжин хэлхээ мэт үргэлжилсээр байна...

Тэд сонгох сонгогдох эрхтэй ч хэн нэгний эрх мэдлийн томилгоогоор зөөлөн суудалд залрах ёсгүй.