Сонгуулийн хуулийн дагуу Улсын Их Хурлын сонгуульд нэр дэвшиж буй 606 хүний хөрөнгө орлогыг Авлигатай тэмцэх газраас нийтэд ил болголоо. Тэндээс УИХ-ын сонгуульд  АН-аас Сонгинохайрхан дүүрэгт нэр дэвшигч Кёкүшюзан  Д.Батбаяр болон МАН-аас 28 дугаар тойрогт буюу Сонгинохайрхан дүүрэгт нэр дэвшигч П.Анужингийн хөрөнгө орлогын мэдүүлгийг уншигч та бүхэнд сонирхуулъя.

Кёкүшюзан Д.Батбаярын эзэмшдэг компаниудын нэрийг жагсаавал нэлээд урт жагсаалт гарах нь дамжиггүй. Түүний өөрийн орлого 601 сая төгрөг бол гэр бүлийн гишүүдийн орлого нь 13.2 тэрбум төгрөг байна. Мөн тэрбээр нийт 70 тэрбум төгрөгийн үнэлгээтэй долоон үл хөдлөх хөрөнгө эзэмшдэг, 7.5 тэрбум төгрөгийн хадгаламжтай юм байна. 

Мөн Д.Кёкүшюзан Батбаярын хөрөнгө орлогын мэдүүлгээс хонь 300, үхэр 3,000, ямаа 200, хурдан удмын адуу 15-тай нь анхаарал татаж байна.

Харин  Сонгинохайрхан дүүрэгт нэр дэвшигч П.Анужингийн хөрөнгө орлогын мэдүүлгийн тухайд  өөрийн орлого 390 сая төгрөг, гэр бүлийн нийт орлого 0 байна. Мөн тэрбээр нийт  90 сая төгрөгийн үнэ бүхий нийтийн орон сууц нэг,  280 сая төгрөгийн үнэтэй Микроавтобус, Toyota, Alphard нэг, Toyota, Prius нэг, хурдан удмын 200 адуу,80 үхэр, 300 хонь ,100 ямаатай аж.
Мөн  520 сая төгрөгийн үнэ бүхий үнэт эдлэлтэй бөгөөд  дотоодын банк, санхүүгийн байгууллагад байрлах дансанд 103 сая төгрөгийн хадгаламжтай байна.  Монголкино пикчерс ХХК 100 хувь  эзэмшдэг.