Ирэх 10-р сард болох орон нутгийн сонгуульд Хэнтий аймгийн хэмжээнд санал авах 91 байр ажиллах бөгөөд, 88 тойрогт 764 хүн нэр дэвшихээр материалаа бүрдүүлж өгчээ.

Аймгийн сонгуулийн хорооноос хуулийн дагуу бэлтгэл ажлуудыг заасан хугацаанд нь хийж гүйцэтгэж байна. Энэ сарын 15-ны өдөр бүх сум, багт мэдээлэл технологийн даамлаар ажиллах ажилтнуудын сургалт Чингис хотод зохион байгуулагдаж,  110 хүн хамрагдав.

Сумын ИТХ-ын энэ оны сонгуульд МАН, АН 18 суманд, ИЗНН 4 суманд, МАХН 1 суманд , бие даагч 4 суманд нэр дэвшин сонгуульд оролцох бөгөөд аймгийн сонгуулийн хороо сумын сонгуулийн хороодтой хамтарч нэр дэвшигчдийн материалыг нягталж шалгаад Сонгуулийн Ерөнхий хороонд хүргүүлсэн байна.

Хэнтий аймгийн ИТХ-ын тэргүүлэгчдийн 2016 оны долдугаар сарын 27-ны өдрийн 01 дугаар тогтоолоор Хэнтий аймгийн сонгуулийн хороо байгуулагдсан аж.