Дээд шүүхээс ИЗНН-ыг сонгуульд оролцох боломжтой гэсэн шийдвэр гаргасны дагуу СЕХ-ноос өнгөрсөн сарын 31-ний 00:00 цагт тус намыг албан ёсоор бүртгэсэн. Харин өнөөдөр СЕХ-ноос ИЗНН-д сонгуульд оролцох батламжийг нь гардуулахаар болжээ.  Энэ талаар ИЗНН-ын дарга Ц.Ганхуяг “Иргэний зориг ногоон нам холбогдох хурлаа хийж, нэр дэвшигчдээ тодруулна. Дэвшигчдийнхээ нэрсийг СЕХ-нд  энэ сарын 5-ны өдрийн 11:00 цагаас  өмнө амжиж өгөх хуулийн хугацаатай юм байна. Бид түүнээс өмнө таван нэр дэвшигчийнхээ нэрсийг өгөх юм. Би нэр дэвшинэ. Харин С.Оюун гишүүнийг  дэвших эсэхийг мэдэхгүй байна” гэлээ. ИЗНН-ын зүгээс 2016 оны улстөрийн сонгуульд ардчилсан намыг дэмжиж оролцоно гэдгээ илэрхийлж, С.Дэмбэрэл нарын  гишүүд нь тус намаас тойрогт өрсөлдөхөөр болсон юм. Мөн ИЗНН-ын ерөнхий нарийн бичгийн дарга М.Хүрэлсүх “ИЗНН сонгуульд АН-ыг дэмжиж оролцохоор шийдвэрээ гаргачихсан. Тиймээс сонгуульд дангаараа оролцохгүй” гэсэн  тодруулга өгсөн бол Ц.Ганхуяг даргын зүгээс “Тэр бол хэсэг хүмүүсийн шийдвэр” гэсэн хариулт өгч байгаа юм.