Өдгөө Нью-Йорк хотод Загварын долоо хоног үргэлжилж байгаа билээ. Шоу бизнесийн одод шинэ цуглуулгуудыг үзэхээр ирэхгүй ч элдэв арга хэмжээнд нь оролцож байгаа аж. Канадын нэрт дуучин Жастин Бибер олон нийт шүгэлдсэний хариуд дотоожтойгоо үлдтэлээ тайчжээ.

Тэрбээр Рита Ораг зарлахаар тайзан дээр загвар өмсөгч Лара Стоуны хамтаар гарч ирсэн байна. Түүнийг тайзан дээр гарч ирэнгүүт үзэгчид шүгэлдэж эхэлсэн гэнэ. Тэднийг намжаахын тулд Жастин тайчиж эхлэв. Өмд, цамц, оймсоо ч тайлжээ.