Дуучин Ану уран бүтээлээсээ хөндийрөөд удаж байгаа билээ. Урлагийн тайзаа орхисон хэдий ч түүний амьдралыг сонирхох нэгэн мундахгүй их байдаг гэхэд хилсдэхгүй. Учир нь үргэлж эрч хүч, гоо сайхныг гэрэлтүүлж явдаг сайхан бүсгүйгээс үлгэр дуурайлал авахыг хүсэгчид илүүтэй олон бий. 

Хөөрхөн охин нь том болж эрүүл өсөн бойжиж байгаа. Харин дайчин Ану өдгөө өөлөх аргагүй сайхан хэвээрээ халамжит хань, сайн эзийн үүргээ гүйцэтгэж яваа. Төрснийхөө дараа хэвлэлд ярилцлага өгч дуулиан дэгдээсэн тэрбээр нэг хэсэгтээ хэвлэлийнхэнтэй нүүр тулаагүй. Саяхан "ok" сэтгүүлийн нүүрийг хайртай нөхрийн хамтаар чимжээ. Дэлхийн Брэнд сэтгүүлийг монгол уншигчдадаа хүргэж ажиллаж байгаа тус сэтгүүлд олны өмнө гарахыг битгий хэл зургаа ч авахуулах дургүй нөхөртэйгээ анх удаа гэр бүлийн ярилцлага өгчээ. Тэд юуны тухай ярилцсaныг тус сэтгүүлийг уншин тайлаарай.