"Netflix"-ийн үзэгчдийг байлдан дагуулаад буй "Physical-100" нэвтрүүлгийн шинэ улирал "Physical Asia" нэртэйгээр ирэх аравдугаар сараас цацагдах аж. Тус нэвтрүүлгийн энэ удаагийн дугаарт Монгол, Япон, Австрали, Филиппин, Тайланд, Өмнөд Солонгос, Индонез, Турк зэрэг найман улсын шилдэг тамирчид өрсөлдөж, хурд хүчээ сорьжээ. 

Манай улсаас тус шоунд Улсын арслан Б.Орхонбаяр оролцсон аж. Бусад оролцогч нарын мэдээлэл хараахан ил болоогүй байна. Холимог тулаанч, сагсан бөмбөгийн тамирчин, уран нугараач зэрэг тамирчид оролцсон байх магадлалтай аж.