Энэ сарын 14-ны өдөр сошиалд /facebook, twitter/-д 70 сая гаруй дагагчтай илбэчин Жүлиүс Дэйн /Julius Dein/ Монголд иржээ.

Тэрээр аав ээжийнхэн хамтаар  наймдугаар сарын 19-ны өдөр зохион байгуулагдах NAS SUMMIT-д оролцож залуустай  уулзах юм байна.

Мөн Нүүдэлчин дэлхийн соёлын фестивалыг үзэж дэлхийд Монголчуудын ахуй соёлыг танилцуулах сонирхолтой хөтөлбөртэй ирсэн гэнэ.

Ташрамд дурдахад, дэлхийн алдартай контент бүтээгчдийн нэг “Nas Daily”-гийн үүсгэн байгуулагч Нусейр Ясин контент бүтээгчдийн “Nas Summit” арга хэмжээг зохион байгуулахаар Монгол Улсад ирээд байгаа билээ.

ИЛБЭЧИН ЖУЛИУС ДЕЙН ГЭЖ ХЭН БЭ

Их Британийн илбэчин Жулиус Дейн “Tik Tok” цахим сүлжээний хамгийн нөлөө бүхий хүмүүсийн нэг. Өдгөө 27 настай илбэчин хөзрийн илбэ, “Tik Tok” хуудастаа байршуулдаг өвөрмөц илбээрээ алдаршсан бөгөөд түүний “Facebook” хаяг дангаараа 43 сая гаруй дагагчтай юм байна.

Тэрээр ойрын зайн илбээрээ алдартай бөгөөд алдартнуудын үдэшлэг, томоохон арга хэмжээ, Академийн шагнал гардуулах ёслолд оролцож илбэ үзүүлдэг ба 2021 онд интернетэд хамгийн их хандалттай сувгуудын нэгээр тодорч байжээ.