БНАСАУ-д ковидын улмаас нас барсан хүний тоо 21-ээр нэмэгдэж, нийт 27 болжээ.

“Ёнап” агентлагийн мэдээлснээр тус улсад дөрөвдүгээр сарын сүүлчээс эхлэн гарал үүсэл нь үл мэдэгдэх халуурдаг өвчин бүртгэгдсэн байна. Үүнээс хойш 280 мянга гаруй хүн эмчлэгдэж, нийт 27 хүн нас барсан аж.

Хятад улс Хойд Солонгост COVID-19-ийн цар тахалтай тэмцэхэд шаардлагатай бүх тусламжийг үзүүлэхэд бэлэн байгаагаа мэдэгджээ.

Хойд Солонгост үл мэдэгдэх чичрэг өвчнөөр нийт 350 мянга орчим хүн өвчилсөн байна. Харин эдгээр өвчтөний хэдэд нь ковид илэрсэн тухай мэдээлэл байхгүй юм.