Хийж бүтээснээ үнэлүүлнэ гэдэг энэ л байх. Ч.Номин анх "Гацуурт"-ын Л.Чинбатын охин гэх тодотголтой байсан бол одоо "Монгол" HD телевизийн захирал, телевизийн салбарын "төмөр хатагтай" нарын нэг болсон. Тэрээр ДЭЗЧ-д Ази номхон далайн бүсээс сонгогдсон шилдэг 15 залуугийн нэг болсон. Чуулганыг зохион байгуулагчид түүнийг Монголын телевизийн салбарт өөрчлөлт авчирсан гэж тодорхойлсон байна. Дэлхийн залуу манлайлагчаар тодорно гэдэг хүн бүрт тохиолдох завшаан биш бөгөөд түүнтэй хамт олон бизнес эрхлэгч, эрдэмтэн, хөрөнгө оруулагчид багтсан байна. Үүнээс гадна алдарт холливудын жүжигчин Ashton Kutcher багтсан байна. Дэлхий даяар нэр алдар нь түгсэн түүнтэй нэг ангид багтана гэдэг Ч.Номинг ямар хүн болохыг батлан харуулж байгаа хэрэг хэмээн олон хүн үзэж байна.