1Том өгзөгтэй бүсгүйчүүд илүү ухаалаг байдаг

Калифорнийн их сургууль болон Питтсбургийн их сургуулийн оюутнуудын дунд явуулсан судалгаагаар том өгзөгтэй бүсгүйчүүд, бусад эмэгтэйчүүдтэй харьцуулахад, илүү ухаалаг гэсэн дүгнэлтийг гаргасан байна. Санта Барбарад нийт 16 мянган эмэгтэй оюутнууд суралцдаг. Тэдгээр оюутнуудаас шалгалт авахад, том өгзөгтэй бүсгүйчүүд шалгалтаа илүү сайн өгсөн байжээ. Эмч нар үүнийг тайлбарлахдаа, том өгзөг, гуянд, омега хэмээх эрдэс бодис илүүтэй хуримтлагддаг хэмээжээ. Тэрхүү бодис нь тархийг шим тэжээлээр хангаж, сэтгэн бодох чадварыг сайжруулдаг аж. 

2Чихрийн шижин өвчнөөр өвчлөх нь бага

Оксфордын их сургуулийн эрдэмтэд, том өгзөгтэй бүсгүйчүүд бусдыг бодвол аливаа зүйлд итгэл үнэмшил сайтай, тусч, өгөөмөр хүмүүс байдаг гэжээ. Түүнчлэн тэдгээр хүмүүс, бусад хүнээс зүрхний шигдээс, чихрийн шижин өвчин тусах магадлал багатай болох нь батлагджээ. "Маяо" клиник эмнэлгийн эмч, Майкл Женсен (Michael Jensen) хэлэхдээ, лийр хэлбэрийн биеийн галбиртай хүмүүс, жигд таргалалттай, гэдэс хэвлийгээр илүүдэл жинтэй хүмүүсээс хамаагүй эрүүл, дархлаа сайтай байдаг хэмээн хэлсэн байна.

3Ким Кардашьяаны өгзөг хиймэл биш!

Реалити шоуны од, реппер Канье Вестийн гэргий  Ким Кардашьян өөрийн аварга том өгзөг, үзэсгэлэнтэй төрхөөрөө өнөөдөр хэвлэл мэдээлэл, тэр дундаа цахим ертөнцийн хараанд өртсөн билээ. Бид бүхэн түүнийг өгзгөндөө хагалгаа хийлгэснийг мэдэх ч, тэрээр өгзгөндөө ямарч гадны биет хийлгээгүй гэдгийг харин мэдэхгүй. Түүний өгзгийг бүх л хүмүүс хиймэл гэсээр байсан тул тэрээр энэхүү яриаг таслахын тулд өөрийн өгзгийг рентген туяагаар харуулсан байна. Хачирхалтай нь түүний өгзгөнд ямар ч силикон, гадны биет байгаагүй ажээ. Учир нь тэрээр өөрийн гуя, хэвлийн хэсгээс өөх, мах таслан авч өгзөг рүүгээ хийлгэсэн гэх яриа байдаг.

4Беойнсегийн нэрээр нэрлэгдсэн ялаа

“Scaptia” хэмээх нэг төрлийн ялааг алдарт дуучин Бейонсегийн нэрээр нэрлэсэн байдаг аж. Учир нь дуучин бүсгүй “Destiny”s Child” хамтлагт байхдаа “Bootylicious” хэмээх дууг гаргаж байсан. Түүнчлэн тэрхүү ялааны бөгсний үзүүр алтан шаргал өнгөтэй байсан тул ийнхүү “scaptia beyonceae” хэмээн нэрлэсэн аж. Түүгээр ч зогсохгүй, хэд хэдэн амьтныг ийнхүү алдартнуудын нэрнээс санаа авч нэрлэсэн байдаг. Тэднээс дурьдвал, “Pachygnatha zappa” хэмээх нэг төрлийн аалзыг алдартай хөгжимчин Фрэнк Заппа (Frank Zappa), “Bushi” жоомыг  АНУ-ын 43 дахь ерөнхийлөгч Жорж Буш (George W. Bush), “Hyla Stingi” мэлхийг дуучин Стинг (Sting)-ийн нэрээр тус тус нэрлэсэн байдаг аж.

5Өгзгөн дээр батга гарах нь өвчин юм

Хэрвээ таны өгзгөн дээр жижигхэн батга гарчихсан байвал, энэ нь тохиолдлоор бус, бактерийн гаралтай өвчлөл байх магадлалтай гэнэ. Эс бөгөөс ямарваа нэгэн байдлаар арьсны үхсэн эд эс ховхорч, шинэчилж байгаа хэрэг ч байж болно. Мөн биеийн шингэн саванд агуулагдах бензоил пероксид хэмээх бодисын нөлөөллөөс үүдэн ийнхүү батга гарч болно. Тиймээс усанд орох бүртээ тослог сайтай саван, тохирсон биеийн тосыг түрхэж байх нь эдгээр эрсдлээс хамгаалдаг юм шүү.

6Өгзгөө наранд ил гаргаж, шарж байгаагүй бол арьсны хавдраар өвчлөх эрсдэлтэй

Үнэндээ нарны гэрэлд, таны санаанд ч оромгүй маш олон давуу талтай байдаг. Тиймдээ ч рахит буюу сульдаа өвчтэй хүүхдийг агаар салхи, наранд гаргавал эдгэнэ гэдэг шүү дээ. Энэ ч учиртай. Бид бүхэн наранд биеэ шарахдаа өгзгөө мартаж орхидог. Үүнээс үүдэн Меланома хэмээх арьсны хорт хавдраар өвчлөх эрсдэл нэмэгддэг ажээ. Бүсгүйчүүд ихэвчлэн хөлөө наранд шардаг бол, эрчүүд эсрэгээрээ цээж нуруугаа шардаг байна.

7Хүндрэхгүй удах нь маш олон шалтгаантай

Хүндэрнэ гэдэг нь  хүний биеийн хорт бодисыг гадагшлуулж байгаа маш чухал үйл явц юм. Гэвч заримдаа өтгөн хатаад хүндрэхгүй маш уддаг шүү дээ. Энэ нь хэд хэдэн шалтгаантай. Хамгийн эхэнд таны хоолны дэглэмээс хамаарна. Мөн зарим тохиолдолд, нойрсуулах, өвчин намдаах эмийг удаан хугацаанд хэрэглэснээс ч үүддэг. Тиймээс хооллох цэсэндээ жимс, хүнсний ногоог түлхүү оруулахыг мэргэжилтнүүд сануулж байна.

8Зарим амьтад өгзгөөрөө сэлдэг

Нас бие гүйцсэн далайн үхэр дунджаар хагас тонн жинтэй, 3 метрийн урттай байдаг. Тэд цагт 30 км-ийн хурдтайгаар 5-8 км замыг өлхөн туулчихдаг байна. Хачирхалтай нь тэд хийгээ гаргангаа ийнхүү сэлдэг гэвэл та итгэх үү? Мөн Австралийн Финч хэмээх яст мэлхий болон Хойд Америкийн яст мэлхийнүүд унтаж байх үедээ өгзгөөрөө амьсгалдаг ажээ.

9Бүсгүйчүүд, эрчүүдээс том өгзөгтэй учир, илүү урт насладаг

2012 онд гаргасан Харвардын судалгаанаас харахад биеийн доод хэсэгт байрлах өөх булчин нь лептин, адипонектин хэмээх бодисийг ихээр ялгаруулдаг учраас тухайн хүнийг олон төрлийн өвчнөөс хамгаалдаг болох нь нотлогдсон байна. Тиймээс ч бүсгүйчүүд эрчүүдээс илүү урт удаан насладаг гэнэ.

10Хүн өдөрт дунджаар 13-21 удаа хийгээ гаргадаг

Итгэмээргүй байгаа ч хүн дунджаар өдөрт 13-21 удаа хийгээ гаргадаг болохыг судлаачид тогтоосон байна. Энэ нь хүн бие засах үед гарах хийг ч мөн оруулсан болно. Түүнчлэн та хэрвээ хийжүүлсэн удаа ихээр уудаг, хурдан хооллодог, бохь ихээр зажилдаг, тамхи татдаг, хатуу чихэр ихээр иддэг бол бусад хүнээс илүүтэй их хий гаргадаг гэсэн үг юм.