БНСУ-ын нийслэл Сөүл хотод төвтэй зах зээл судалгааны “Brandstock” компаниас хийсэн судалгаагаар, “Samsung”-ийн “Galaxy” загварын ухаалаг утас дэлхийн хамгийн үнэ цэнтэй брэндүүдийн жагсаалтыг тэргүүлсэн талаар “Ёнхап” мэдээлжээ. Жагсаалтын хоёрдугаарт, жижиглэн худалдааны “Shinsegae” корпорацийн “E-Mart” хөнгөлөлттэй дэлгүүрийн сүлжээ орсон бол Инчоны олон улсын нисэх онгоцны буудал гуравт жагссан байна.

  “Volkswagen” утаа ялгаруулах туршилтыг будлиулах программ хангамжтай машинаа дэлхийн зах зээлд гаргасан тухайгаа хүлээн зөвшөөрсний дараа Германы автомашины үнэ цэнэ ихэд унажээ. Үүнтэй холбогдуулан “BMW” компаний байр 12-оос 31 рүү, “Volkswagen” 71 дүгээр байраас 100 руу ухарсан байна.