Өнгөрөгч сарын эхээр Швейцарийн алдарт “Victorinox” компанийн олон улсын хутганы загварын уралдаанд Монголын зураач, загвар зохион бүтээгч Б.Эрдэнчимэгийн бүтээл оролцож буй талаар бид мэдээллэж байсан. Шилдэг 40-ийн тоонд багтсан загваруудыг цахим хуудсаар санал авч шалгаруулсан байна.

Ингээд шилдгийн шилдэг шилдэг загвартай 10 хутга шалгаруулах уралдаанд Канадын Монреаль хотод амьдарч ажиллаж буй Б.Эрдэнчимэгийн бүтээл илт давуу түрүүллээ. Түрүүлсэн “Rainforest walk” нэртэй бүтээлийг “Victorinox” компани ирэх онд цөөн хувиар үйлдвэрлэж өндөр үнээр борлуулах аж.