“Шинэ үе” продакшнаас өрх тус­гаарласан жүжигчин Г.Ундармаа гурав дахь уран сайхны киногоо найруу­лан хийгээд тун завгүй яваа нэгэн. Түүнийг Монголын хошин урлагийн урдаа барьдаг жүжигчдийн нэг гэдэгтэй маргах хүн байхгүй. 

Сүүлийн үед хүмүүнлэгийн ажилд гар бие оролцож, олон сайхан үйлсэд гараа сунгасан түүнийг улстөрч болоосой хэмээн үзэгчид битүүхэн хүсч буй нь үнэн. 
    
Хамтлагаасаа гарч тайз, дэл­гэцийн бүтээлд хүчээ үзэхээр сэтгэл шулуудсан тэрбээр өдрийн тэмдэг­лэл хөтлөх дуртай гэнэ. 

Тэрбээр сүүлийн 12 жилийн турш хөтөлсөн тэмдэглэлийн дэвтрээ одоо хүртэл хадгалж байгаа төдийгүй 1986 онд Олон улсын хүүхдийн “Найрамдал” зусланд амарч байхдаа хөтөлж байсан дэвтэр нь ч одоо хүртэл байдаг аж. 

Тиймээс дэвтрүүдээ эмхэлж бай­гаад өдрийн тэмдэглэлээрээ ном гаргах бодолтой байгаа гэнэ