Монгол, БНСУ-тай дипломат харилцаа тогтоосны 25 жилийн ой тохиож байна. Энэ хүрээнд Солонгосын хөгжмийн ертөнцөд хөл тавих сонирхолтой хүүхэд залуусын дунд “K-Pop World festival”-ийг зохион байгуулсан юм. шалгаруулалтын сүүлчийн шатанд 13 хамтлаг үлдсэн бөгөөд дууны ангилалд Г.Одбаяр, бүжгийн төрөлд “Evil zero” хамтлаг тус тус тэргүүлжээ. Тоглолтод “Mamamoo”, “Kroyan pop”, “K much” болон дуучин Т.Ганбаа, К.Номинжин, Б.Өнөрзул нар оролцож ая дуугаа өргөсөн юм. Тус фестивальд өнгөрсөн жил Б.Очирбат оролцсон бөгөөд тэрээр орон орны төлөөлөл болсон 60 гаруй залуустай өрсөлдөж гуравдугаар байрт шалгарсан юм.