54 настай нэрт жүжигчин Жорж Клуни удаан хугацаанд Холливудын хамгийн атаархам гоонь эрд тооцогдож байгаад 2014 оны есдүгээр сард өмгөөлөгч бүсгүй Амаль Аламуддинтэй гэрлэсэн билээ.

Жүжигчин эр хүүхэдтэй болохыг нэг их яарахгүй байгаа аж. Америкийн телевизийн СВS сувагт өгсөн ярилцлагадаа Клуни ойрын үед хүүхэдтэй болох төлөвлөгөөгүй байгаа гэдгээ хэлжээ.

Түүний энэ үг олон нийтийг цочирдуулсан байна. Учир нь, од эр гэрлэх болсон тухай мэдээлэл тарснаар бүгд л түүнийг хүүхэдтэй болох нь гэж бодож, таамагласан билээ.

Ийм учраас л Жорж Клуни сониуч хүмүүсийн догдлолыг дарж, одоогоор аав болох бодолгүй байгаа гэдгээ мэдэгдсэн болов уу.