Холливудад хөл тавьж, “Марко Поло” кинонд Ариг бөхийн дүрийг бүтээсэн жүжигчин Б.Амарсайхан сүүлийн үед нэлээд эрэлттэй байгаа. Итали, Европын эрэгтэй хувцасны зах зээлд хүчээ авч буй “Sergio Barone” брэнд саяхан түүнийг албан ёсны нүүр царай болох моделиороо сонгосон байна. Тус брэндийн маркетингийн багийнхан Монголд судалгаа хийснээр түүнийг өөрийнх нь брэндийг дэлхийд сурталчилж чадах хүн хэмээн ийн “онилжээ”. Чамгүй хугацаанд ярилцаж тохирсон уг гэрээг 100 сая төгрөгөөр үзэглэсэн гэнэ. Ингэснээр мань хүн Монголдоо реклам сурталчилгааны дээд ханшийг тогтоож байна.