XVII жарны “Галзууруулагч” хэмээх модон хонь жилийн сар шинийн баярт зориулсан хүчит бөхийн барилдааны үеэр Монгол Улсын гуравдахь Ерөнхийлөгч, МАХН-ын дарга Н.Энхбаяр Бөхийн өргөөнд орж ирэв. Тэрбээр нутагтаа Цагаан сарын баяр тэмдэглэхээр БНСУ-аас хүрэлцэн ирээд байгаа юм. Энэ үеэрээ Бөхийн өргөөнд бөхийн барилдаан сонирхов.

Түүнийг бөхийн өргөөнд орж ирэх үеэр Монгол Улсын Ерөнхийлөгч Ц.Элбэгдоржийн царайг ТВ9 телевизээр харуулсан нь сошиал ертөнцөд байгаа хэрэглэгчдийн дунд нэлээд шуугиан дэгдээлээ. Ерөнхийлөгч Ц.Элбэгдорж түүнийг бөх үзэх гэж орж ирэх үед нэлээд гайхсан царайг гаргасан юм.