Жил бүрийн цагаан сарын баярыг тохиолдуулан цэцэрлэг бүр монгол өв уламжлалаа хүүхэд багачууддаа танин мэдүүлэх зорилготойгоор “Монгол ёс заншил”, “Золгох ёс”, “Дээлтэй монгол”, “Шагайн наадгай” зэрэг төрөл бүрийн арга хэмжээ зохион байгуулдаг.

Тухайлбал, Нийслэлийн Чингэлтэй дүүргийн есдүгээр цэцэрлэгт болсон өдөрлөгийн үеэр үндэсний хувцсаараа гоёсон хүүхдүүд аав ээждээ сурч мэдсэн авьяас билгээ үзүүлж танилцуулсан юм.

Мөн хүүхэд багачууд, эцэг эхчүүдийн дунд тоглоом наадгай, уралдаан тэмцээн зохион байгуулж, аав ээж нар нь хамтдаа тоглож, зааж сургаж байлаа.