“Interview” сэтгүүлээс бүх цаг үеийн хамгийн загварлаг тэргүүн хатагтай нарыг тодруулжээ. Уг жагсаалтад Уэлсийн гүнж Диана, Монакийн гүнж Грейс Келли, Францын тэргүүн хатагтай асан Карла Бруни, Иордон улсын  хатан хаан Рания, ЗХУ-ын  тэргүүн хатагтай асан Райса Горбачева нар багтжээ. Эдгээр загварлаг тэргүүн хатагтай нарыг АНУ-ын  тэргүүн хатагтай асан Жаклин Кенниди тэргүүлсэн байна. Тэрбээр 1960-аад оны загварын толь байсан бөгөөд богино үс, сувдан зүүлтийг мода болгожээ. Жаклин Кенниди тэргүүн хатагтай байх  хугацаандаа Европын алдарт брэндүүдийн загварыг хуулбарласан хувийн загвар зохион бүтээгч Олег Кассинийн хувцсаар гоёдог байв.