Үндэсний дуу бүжгийн эрдмийн чуулгын гоцлол дуучин С.Эрдэнэцэцэг гавьяатыг өөрөөсөө нэлээд дүү залуутай болзох болсон талаар урлагийнхан жиг жуг гэлцэх болсоор багагүй хугацаа өнгөрлөө. Тэрбээр хамт ажилладаг, залуу дуучин Э.Чинчулуун хэмээх залууг амрагаараа сонгож, хайр дурлалын холбоо үүсгээд жил гаруй хугацааг ардаа үджээ. Өмнө нь тэрбээр энэхүү харилцаагаа ихэд нууцалдаг байсан ч тэдний амрагийн явдал амнаас ам дамжсанаар ийнхүү “савнаасаа хальжээ”. Тэд 17 насны зөрүүтэй боловч наснаасаа тун ч залуухан харагддаг гавьяат залуу амрагтайгаа шинэхэн хосууд шиг тун ч романтик байдаг гэнэ. Дашрамд сонирхуулахад, тэд одоо ҮДБЭЧ-ын шинэ уран бүтээл болох “Оройн дээд” үндэсний түүхэн дуулалт жүжигт хамтдаа тоглож байгаа юм байна.