Нью Йорк хотын “Rockefeller Center”-ийн өмнө байрлах зул сарын модны гэрлийг дуучин Мэрайя Кэри асаасан байна. Тэрбээр гэрлээ асаасны дараа Нью Йорк хотын захирагч Билл де Блазиод талархлаа илэрхийлээд “АНУ-ын хамгийн үзэсгэлэнтэй хот 2015 оныг хүлээн авахад бэлэн боллоо. Тун удахгүй болох зул сарын баярын мэнд хүргэе” гэж хэлжээ. Энэхүү арга хэмжээнд тус хотын 100 мянган орчим иргэн оролцжээ. Арга хэмжээний төгсгөлд дуучин бүсгүй “All I Want For Christmas” дуугаа дуулсан байна.