Ододтой бүжиглэсэн нь шоуг монголчууд хүртэл хийгээд амжсан. Гэхдээ шоу бизнес хөгжөөгүй Монголд хаанаас тийм олон од байх билээ дээ. Харин америкт бол огт өөр. Холливудын тогооноос бүр шүүрдэж шүүж, шилж байгаад л оролцуулдаг энэ шоу хамгийн олон үзэгтэй топ гурван нэвтрүүлгийн нэгд багтсан. 19 дэх цуврал амжилттай зохиогдож өрсөлдөөнтэй, тэмцэлтэй бас нууцлаг эрхмүүдийн авьяасыг нээсэн онцгой дугаарууд шил шилээ даран гарсаар өндөрлөлөө.  Харин ялагч нь хэний ч санаад оромгүй эрхэм байсан нь хөтлөгч, жүжигчин Алфенсо Риберо юм.