Ард түмэндээ шинэ санаа, шинэлэг зүйлсээр бэлэг барих дуртай уран бүтээлч бол гавьяат жүжигчин Б.Сарантуяа юм. Тэрбээр сонсогчдодоо шинэ жилийн дуун бэлэг барихаар уран бүтээлээ туурвиад завгүй яваа ажээ.

Поп хатагтай шинэ жил ирснийг бидэнд илтгэж, баярын уур амьсгал мэдрүүлдэг “Шинэ жил ирлээ”, “Цагаан шөнө”, “Шинэ жилийн шөнө” зэрэг сайхан дуугаа цомог болгон хэвлүүлэхээр төлөвлөжээ. Энэхүү шинэ цомогт 11 дуу багтсан бөгөөд ирэх сард худалдаанд гарах ажээ.