Энэтхэгийн Засгийн газар хүн амын хурдацтай өсөлтийг саармагжуулах, төлөвлөөгүй жирэмслэлтийг зогсоохын тулд өөрийн улсын эмэгтэйчүүдийг үрийн сувгаа боолгох мэс засалд хамрагдахыг шаардаж байгаа ба энэ ч үүднээсээ өнгөрсөн амралтын өдөр Пендари тосгоны 83 эмэгтэй үрийн сувгаа боолгох мэс ажилбар хийлгэж тэдгээрийн 14-нь амиа алдсан ба өнөөдрийн байдлаар энэ тоо 19-т хүрээд байгаа юм.

Тэгвэл дээрх асуудлыг дуучин Мадонна эмэгтэйчүүдийн эрхийг ноцтой зөрчиж байна хэмээн үзэж байгаа ажээ. Тэрбээр энэ тухайгаа өөрийн инстаграмдаа “Хүн ам хурдацтай өсөж байна гэх шалтгаанаар эмэгтэйчүүд биднийг нохойноос дор үзэж болохгүй. Эмэгтэй хүн бүхэн ээж болох ёстой” гэж бичсэн бөгөөд эрх нь зөрчигдөж буй энэтхэг эмэгтэйчүүдийн төлөө нэгдэхийг мөн уриалжээ.