Брэндон Стэнтон бол Нью-Йорк хотоор аялж жирийн хүмүүсийн өдөр тутмын амьдралын өрнөлийг гэрэл зургууддаа чадварлагаар тусгадаг зурагчин юм. Хүмүүсийн хоорондын харилцаа, хайр, гэр бүлийн амьдралыг маш гэгээлгээр илэрхийлсэн түүний уран бүтээлүүдийг үзсэн хүний нүүрэнд инээмсэглэл тодрохгүй байхын аргагүй.

Энэ эккаунтыг эзэмшигч Карин Оллсон Парис хот руу нүүснийхээ дараа шинэхэн амьдралынхаа туршлагыг инстаграмаар дамжуулан хүмүүстэй хуваалцаж эхэлжээ. Энд амтат макароноос эхлээд алдарт Эйфелийн цамхаг хүртэл Парист үзэж болох бүх зүйлийг багтаажээ. Хэрэв та Францын нийслэлд очихыг хүсдэг ч хараахан боломж бүрдээгүй байгаа бол энэ хуудсаар нэг зочлоод үзээрэй.

Жорж Брайнт хоол хийх дуртай төдийгүй зургуудаараа дамжуулж хүмүүст баяр баясал, аз жаргал, урам зориг хайрлахыг хичээдэг. Түүний эккаунтаар зочилж хоолны урлагийг сонирхоод зогсохгүй аз жаргал чухам юунд оршдогийг тольдоорой.

Эндрью бол “Where’s Waldo” хэмээх адал явдалт зохиолыг өөрийнхөө хувилбараар илэрхийлдэг чөлөөт уран бүтээлч юм. Түүний нохойтойгоо хамт өнгөрүүлж буй сонирхол татахуйц, дурсамжтай адал явдлууд таныг огтхон ч уйдаахгүй гэдэгт итгэлтэй байна.

Айда бол хоолыг урлаг болгож чадсан бүсгүй юм. Хоолны материалуудыг ашиглан хийсэн түүний хайр татм бүтээлүүдийг үзэх дуртай олон мянган хүн байдаг ажээ.

Бетти эмээ хорт хавдартай бөгөөд бусдад аз жаргал бэлэглэх зорилгоор энэ эккаунтыгг нээжээ. Хүнд өвчтэй хэдий ч сэтгэлийн тэнхээтэй байж, халуун дулаан инээмсэглэл гэрэлтсэн төрхөөрөө хүмүүст урам зориг хайрлагч хүчирхэг эмэгтэйн зургуудыг үзээрэй.

Таня Ахсан өөрийнхөө өхөөрдөм бульдог нохойны зургийг хамгийн хөгжилтэй байдлаар авдаг байна. Тэдгээр зураг танд инээд бэлэглэхээс гадна ямар нэг бүтээлч зүйл хийх урам өгч магадгүй юм шүү.

Лев энэ эккаунтад Парис хотыг хар цагаанаар илэрхийлсэн сонгодог өнгө аяс бүхий зургууд байршуулдгаараа онцлогтой.

Нью Йорк хотын өндөр барилгууд, гудамж талбайг урьд өмнө хэний ч харж байгаагүй байдлаар маш өвөрмөцөөр илэрхийдэг зурагчин бол Иаков Сантьяго юм.

Жули Ли жимс ногоогоор өнгө ууссан маш үзэмжит дизайн бүхий гэрэл зураг дардаг. Зарим содон дизайнтай зургийг нь хараад үнэхээр хүнсний бүтээгдэхүүн гэдгийг нь ч мартах үе бий.

Энэ эккаунтыг эзэмшигч “Playmobil” тоглоомоор бодит амьдралыг дүрсэлсэн гэрэл зургууд дарах хоббитой ажээ.

Хонг-И уран зургийг бийр, будаггүйгээр зурдаг. Төрөл бүрийн зүйлсийг ашиглан хэнээс ч дутахааргүй уран бүтээл туурвидаг түүний хийсэн Жеки Чаны хөрөг алдарт жүжигчинд ихэд таалагдсан гэдэг.

Пуэрто Рикогийн энэхүү авьяаслаг уран бүтээлч ханан дээр биширмээр гайхалтай зураг зурдаг. Түүний зургууд дэлхийн өнцөг булан бүрт тархжээ.

Мурад Османн хөгжмийн продюсер мэргэжилтэй боловч найз бүсгүйтэйгээ дэлхийг тойрон аялж гараасаа хөтлүүлсэн зургуудаа олон нийтэд дэлгэснээр цахим ертөнцөд ихээхэн алдаршаад байгаа юм.

Симонегийн зургууд хийсвэр бөгөөд утга санааны илэрхийлэмж төгс ажээ.

Ухаалаг утасныхаа тусламжтайгаар далайн адал явдлыг мэдрэхийг хүсвэл энэ хуудсаар зочлоорой. Далайн спорт болоод эргийн үзэсгэлэнт дүрслэл бүхий гайхамшигт зургуудыг үзээд стресс тань тайлагдах болно.

Ник бол хотын үзэсгэлэнт байдлыг чадварлагаар илэрхийлдэг зурагчин билээ. Мөн тэрбээр Чикаго хотын салхитай, цахилгаантай мөчүүдийн гэрэл зургийг дарж олон нийттэй хуваалцах тун дуртай аж.

Жо Жерригийн авсан Грекийн Санторини арлын өнгө үзэмжит гайхалтай зургуудыг хараад танд шууд тийшээ аялалд гарах хүсэл төрж ч магадгүй юм.

“GoPro” бол далайн усан дээр гулгагч нар болон бусад төрлийн спортын тамирчдын зургийг гайхалтайгаар авч толилуулдаг томоохон эх сурвалж болсон эккаунт юм.