Реалити шоуны од Ким Кардашиан, реппер Канье Уэст нарын охин Норт хар нялхаасаа л тансаг амьдралд умбаж байгааг гадаадын сайтад мэдээллээ.

Жирийн хүмүүс хуруундаа л зүүж үзэхийг хүсдэг алмааз Ким Кардашианы охины тэргэн дээр шигтгээстэй байж л байдаг гэнэ. Гэхдээ нэг биш бүр таван тэргэн дээр нь шүү.

Үүгээр ч зогсохгүй охин хувийн тогоочтой. Зөвхөн охины хоолыг бэлддэг тусгай тогооч түүнд эрүүл хоол бэлдэж, цагийн хуваарийн дагуу өгөх үүрэгтэй. Мөн Норт гадуур гарахдаа аав, ээжтэйгээ /ихэнх тохиолдолд ээжтэйгээ/ хослуулан хамгийн үнэтэй брэнд хувцасаар гангардаг нь нууц биш.

Ким Кардашиан, Канье Уэст нарын хувьд охиндоо зориулахаар бол ямар ч их хэмжээний байсан татгалзахгүйгээр мөнгө гаргаж чаддаг байна.

Дашрамд дуулгахад төрсөн цагаасаа хойш л тансаг амьдралд умбаж яваа Норт охиноо аав, ээж нь дүүтэй болгохыг хүсэж байгаа сурагтай. Тэд энэ удаад удам залгах хүүтэй болох бодолтой байгаа тухайгаа ч дотны хүмүүстээ ам алджээ.