Мэргэжлийн сумо бөхийн өнгийг манай бөхчүүд сүүлийн хэдэн жил тодорхойлж байгаа. Тэгвэл 2016 онд болох сумо бөхийн дэлхийн аварга шалгаруулах тэмцээн манай улсад болохоор болжээ. Дэлхийн аваргын үеэр манай улсад 30 орчим орны 400 гаруй зочид төлөөлөгчид ирэх тооцоо байгаа гэнэ. Түүнчлэн зохион байгуулагчдын зүгээс дэлхийн аваргыг долдугаар сарын сүүлээр зохион байгуулахаар урьдчилан байдлаар төлөвлөөд байгаа аж. Учир нь энэ үед мэргэжлийн сумо бөхөд барилдаж буй манай аваргууд ирэх боломжтой хэмээн манай сумо бөийн холбоо тооцоолж байгаа аж.