Тус наадмыг санаачилсан орнууд цаашид энэхүү наадмыг жил бүр өөр өөр оронд зохион байгуулж тухайн улсын үндэсний спортыг дэлхийд сурталчилах болсон байна. 2014 оны 9-р сарын 8-15 өдрүүдэд Киргиз улсын Чолпан-Ата хотноо буюу Иссыккөл нуурын эрэгт болсон Нүүдэлчдийн Дэлхийн анхдугаар их наадамд Монгол улсын баг тамирчид 12 хүний бүрэлдэхүүнтэй /бөхийн 7 тамирчин, жороо, хурдан морьны 3 тамирчин, хөлөгт тоглоомын 2 тамирчин/ тус наадамд оролцсон юм. Манай баг тамирчид тус наадмаас бөхийн төрлүүдээр медаль хүртсэн байна. Үүнд:

Киргиз бөхийн төрөлд:

·         55кг жинд Женкоклубын тамирчин СМ П.Алтанбагана хүрэл медаль

·         66кг жинд МУБИС-ийн оюутан СМ Д. Гансүх хүрэл медаль

·         74кг жинд Боржигон дэвжээний СМС.Тэмүүлэн хүрэл медаль

“Алыш” Бүстэй барилдааны төрөлд:

·         +100кг жинд Женкоклубын тамирчин ОУХМБ. Сугаржаргал хүрэл медаль

Казаккүрес төрөлд:

·         70кг жинд Хонгор дэвжээний СМ Б. Эрхбаяр мөнгөн медаль

·         80кг жинд Боржигон дэвжээний СМ С.Тэмүүлэн хүрэл медаль

·         +90кг жинд Женкоклубын тамирчин ОУХМБ. Сугаржаргал хүрэл медаль

·         Үнэмлэхүй жинд Женкоклубын тамирчин ОУХМБ. Сугаржаргал Алтан медаль тус тус хүртлээ.

Тус наадамд оролцсон Монгол улсын баг тамирчид нийт 1 алт, 1 мөнгө, 6 хүрэл медаль хүртсэн амжилт үзүүллээ.