Олимпийн мөнгөн медальт О.Гүндэгмаа 2012 оны Лондоны олимпоос хойш анхны олон улсын тэмцээндээ буюу 2014 оны буудлага спортын дэлхийн аварга шалгаруулах тэмцээнд оролцож багаараа мөнгөн медалийг хүртсэн. Тэгвэл тэрбээр эдгээр өдрүүдэд БНСУ-ын Инчон хотноо болж буй 17 дахь удаагийн Азийн наадамд оролцож спорт гар бууны 25 метрийн дасгалд хүрэл медаль хүртлээ. Түүний хувьд хийн гар бууны 10 метрийн дасгалд багаараа хүрэл медалийг хүртээд байсан билээ.