Узбек улсын нийслэл Ташкент хотод болсон ДАШТ-нд манай улсын баг тамирчид хэрхэн оролцсон тухай хэвлэлийн бага хурал “Туушин” зочид буудалд боллоо. Хуралд Монголын чөлөөт бөхийн холбооныхон болон ДАШТ-ээс алтан медаль хүртсэн тамирчид дасгалжуулагч нар оролцлоо.  

Монголын эрэгтэй, эмэгтэй багийн тамирчид хоёулаа зургаадугаар байрт орсон бөгөөд эдгээр зургаан байрт орсон тамирчид дэлхийн цомын аваргын тэмцээнд оролцох ажээ. Монголын чөлөөт бөхийн холбоо болон тамирчдын хувьд ойрын үед тавьсан зорилго нь Инчионд болох Азийн аварга шалгаруулах тэмцээнд багаараа медаль хүртэх юм байна.