Узбекистан улсын Ташкент хотод болсон чөлөөт бөхийн ДАШТ-ий 60 кг-д зодоглосон С.Цэрэнчимэд Азербайжаны бөх Юлия Раткевич 12:3-аар ялж, 19 насандаа Дэлхийн аварга хэмээх эрхэм цолыг хүртсэн билээ.

Тэрбээр дэлхийн аварга С.Цэрэнчимэд “Миний хамгийн том мөрөөдөл бол барилгын инженер болох. Тиймээс ч ШУТИС-д энэ чиглэлээр суралцаж, эх орныхоо бүтээн байгуулалтад гар бие оролцохыг хүсдэг” хэмээн ярьсан.

Харин түүний энэхүү мөрөөдлийг ШУТИС-ийн хамт олон биелүүлэхээр болж, суралцах эрх гардуулахаа албан ёсоор мэдэгдсэн байна.  Мөн Засгийн газрын тогтоолын дагуу 30 сая төгрөг олгохоор болсон бөгөөд  Монголын чөлөөт бөхийн холбоо залуу дэлхийн аваргыг гурван өрөө байраар шагнах юм байна.