"Манчестер Юнайтед" хамгийн их орлого олжээ
Английн "Манчестер Юнайтед" клуб санхүүгийн жилийн дүнгээр хамгийн их орлого олсон тухайгаа зарлажээ. Франс пресс агентлаг ингэж мэдээлсэн байна.
“Улаан чөтгөрүүдийн” орлого 433,2 сая фунт стерлинг болсон нь өнгөрсөн санхүүгийн жилийнхээс 19 хувиар их болжээ. “Adidas” пүүстэй арван жилийн хамгийн урт хугацаатай 750 сая фунтийн гэрээ байгуулснаар ийм их орлого олж чадсаныг тодруулан тайлбарлаж байна. "Манчестер Юнайтед" клуб жил бүр 75 саяыг авна, гэвч хэрвээ клуб энэ улирлын дүнгээр аваргуудын Лигд эргэж орохгүй бол, төлбөр 50 сая болж буурах ажээ.
Дараагийн санхүүгийн жилд “Юнайтед" клубын орлого бас 400 сая орчим байх төлөвтэй байна. 2014 онд энэ клуб хөлбөмбөгчдийг худалдаж авахад хамгийн их мөнгө буюу 200 сая орчим фунт зарцуулжээ.