“Brunssum open 2014” тэмцээнд дэлхийн даамын холбооны мастер Р.Манлай 14 оноогоор түрүүлж, эх орныхоо нэрийг гаргалаа. Тус наадамд олон улсын 118 даамчин оюун ухаанаа сорин өрсөлджээ.

Манай улсаас Р.Манлай, М.Шийрэвжамц, М.Нямжаргал, Д.Энхтуул нарын дөрвөн даамчин энэ зун Голландад болж буй олон улсын цуврал тэмцээнүүдэд оролцож байгаа билээ. Одоогийн байдлаар тэд “Heerhugowaard Open”, “Nijmegen Open”, “Brunssum Open” тэмцээнүүдэд тус тус оролцжээ. Тэд сүүлийн тэмцээн болох “MTB Open”-д оролцоод эх орондоо ирэх юм байна.