2014 оны гольфийн улсын аварга шалгаруулах тэмцээн наймдугаар сарын 8-10-ны өдрүүдэд Sky resort дахь "Mt.Bogd" гольфийн талбайд зохион байгуулагдсан байна.11 дэх удаагийн Улсын аварга шалгаруулах нээлттэй тэмцээнд эрэгтэй 60, эмэгтэй долоон тамирчин оролцсоноос эрэгтэйчүүдэд Л.Дондовцэвээн, эмэгтэйчүүдээс А.Энэрэл нар тэргүүн байрт шалгарсан байна.

Тус тэмцээнд Монголын гольфийн холбооны урилгаар Япон улсын мэргэжлийн гольфчин, "Masters Tournament" 2009, "U.S. Open" 2002, "The Open Championship" 2003, "PGA Championship" 2001 онд тус тус оролцож байсан Ковбой хочит Шинго Катаяама оролцжээ.