“Рио 2016” паралипын наадмын хүрэл, “Токио 2020” паралимпын наадмын  алт, “Парис-2024” паралимпын наадмын мөнгө, Дэлхийн хошой, Ази тивийн хошой аварга, Монгол Улсын хөдөлмөрийн баатар, гавьяат тамирчин Э.Содномпилжээ “Айчи Нагояа-2026” Азийн пара наадмын пауэрлифтингийн эрэгтэйчүүдийн 107 кг-д түрүүллээ. 

Тэрээр эхний өргөлтөөр 231 кг , 2 дахь өргөлтөөр 236 кг, сүүлийн өргөлтөөр 246 кг шахаж аварга боллоо. Шагналыг Монголын Үндэсний паралимпын хорооны ерөнхийлөгч Ч.Чимэд-Отгон гардуулжээ. 

Түүний жинд Ираны тамирчин  Гарибшахи Алиакбар 245 кг  шахалтаар  мөнгө, БНХАУ-ын Лиу Жиан  227, 229, 231 кг шахаж  хүрэл медалийн эзэн боллоо гэж Монголын үндэсний олимпын хороо мэдээлэв.