Дэлхийн спорт хувцасны алдарт брэнд NIKE-аас жил бүр АНУ-ын Лос Анжелес хотноо зохион байгуулагддаг "NIKE 3 on 3" тэмцээнд Монголын баг энэ сарын 8-10ны өдрүүдэд өрсөлдөхөөр боллоо.
 
          Тус тэмцээн нь тун өндөр зэрэглэлийн тамирчид хүрэлцэн ирж оролцдог, нэр хүндтэй томоохон тэмцээнүүдийн тоонд ордог ба 1200 багийн 4500 орчим тамирчид оролцож 25000 үзэгчдийг хамардаг аж.
 
          Тус тэмцээнд Монгол улсаа төлөөлөн шигшээ багийн гишүүн П.Болортулга, Дорждамба /2-уул Альянс Тэх Харцага/ Д.Мөнхтүвшин /Их Өргөө Аравтууд/ гэсэн бүрэлдэхүүнтэйгээр оролцох болжээ. Тэмцээн Лос Анжелес Лэйкэрс багийн алдарт Стэйплс центерийн гадаа талбайд зохион байгуулагдана.