Энэтхэгийн Дехрадун хотод болж буй Азийн нээлттэй шорт трекийн тэмцээнд Монголын баг амжилттай оролцож байна. Өнөөдөр болсон залуучуудын эмэгтэй 500 метрийн Б ангилалд Б.Энгүүн 51,061 секундын амжилтаар мөнгөн медалийн болзол хангалаа. Энэ зайд Тайландын тамирчин Чиа Хо 50.238 секундын амжилтаар түрүүлсэн бол Хонгконгийн тамирчин Сум Юн /51,531 сек/ хүрэл медаль хүртэж, медалийн тавцанд зогслоо.

10 гаруй баг тамирчид өрсөлдөж буй нээлттэй тэмцээний өсвөрийн Е насны ангилалын 333м зайн уралдаанд Б.Эрдэнэбулган мөнгөн медаль хүртсэн юм. Тэгвэл өнөөдөр залуучуудын ангилалд Б.Энгүүн мөн мөнгөн медаль хүртэж, Монголын баг хос медальтай тэмцээнийг үргэлжлүүлж байна.