Улаанбаатарын Мазаалайнууд баг энэ тойргийн 2 дахь тоглолтоо хийж байгаа бол Хоромхон багийн эхний тоглолт байлаа. Багуудын хооронд тэнцүү өрсөлдөөн өрнөсөөр, эхний хагасын цаг дуусахаас ердөө ганцхан минутын өмнө “Хоромхон” багийн тоглогч Н.Наранболд гоол хийсэн. Тоглолтын 2-р хагаст, солилцооны цонхоор “Хоромхон” багийн бүрэлдэхүүнд ирсэн Иоги Фанте /Канад/ 51 ба 88 дахь минутад өрсөлдөгчийнхөө хаалганд гоол оруулж 3:0 харьцаагаар ялалт байгууллаа. Гэвч тус клубийн Х.Цэнд-Аюуш шар, Д.Төрбат хоёр дахь шар, Адиеэмо Майкл Муеива /Нигери/ улаан хуудсаар тус тус торгуулсан юм. Ийнхүү 1-р хагаст онооны жагсаалтаар 3-рт бичигдэж байсан “Хоромхон” клубийнхэн 17 оноотойгоор 2-р байрт жагслаа.