Холимог тулаанч Б.Алтанчимэг Дэлхийн аварга шалгаруулах тэмцээний финалд шалгарлаа. Гүржийн нийслэл Тбилиси хотод болж буй Холимог тулааны залуучууд, насанд хүрэгчдийн ДАШТ-ий хагас шигшээ шатны тулаанууд өнөөдөр явагдаж, залуучуудын ангиллын хагас шигшээ шатанд -65.8 кг-ийн жингийн тамирчин ОУХМ Б.Алтанчимэг Украины тамирчин Евгения Какамаг ялав. 

Харин маргааш алтан медалийн төлөө Ангол улсын тамирчин Надир Виейратай тулалдана. Шигшээ шатны тулаанууд маргааш Монголын цагаар 21:30 цагаас явагдахыг Монголын холимог тулааны холбооноос мэдээллээ.