Хөнгөн атлетикийн насанд хүрэгчдийн дэлхийн аварга шалгаруулах тэмцээн хоёр жил тутамд зохиогддог. Энэ жилийн тэмцээн ирэх есдүгээр сарын 13-21-нд Япон улсын Токио хотод болох юм. 20 дахь удаагийн тэмцээнд гавьяат тамирчин, марафонч Б.Сэр-Од эрхийн болзол ханган оролцохоор болжээ.

Өнөөдөр Дэлхийн хөнгөн атлетикийн холбооноос “Токио 2025” ДАШТ-д оролцох тамирчдын нэрсийг жагсаахад Б.Сэр-Од 66-д эрэмбэлэгдсэн байна. Эрэгтэй марафон гүйлтийн төрөлд entry standard нь 2:06:30 бөгөөд зөвхөн 100 тамирчин оролцох квот тогтоожээ. Энэ босгыг Монголын тамирчдаас марафонч Б.Сэр-Од анхлан биелүүллээ.

Б.Сэр-Од марафон/42 км 195 м/ гүйлтээр зургаан зуны олимпын наадамд уралдсан. Мөн хөнгөн атлетикийн ДАШТ-д марафоноор 11 удаа оролцсон амжилт нь Гиннесийн рекорд амжилтын номд бичигдсэн юм. Гавьяат тамирчин Б.Сэр-Од ирэх аравдугаар сард 44 нас хүрэх үедээ дахин нэг онцгой амжилтыг Токио хотод бичих боллоо.