Монгол тулаанчдын ур чадвар, чансааг таниулан сурталчлах зорилгоор “Nomadic Fighting Championship” тулааны спортын ММА, Кикбокс, Муай Тай, Сабмишн Грапплинг гэсэн 4 төрөлт олон улсын тэмцээн өчигдөр боллоо.

Тэмцээний оргил тулаанд холимог тулаанч М.Нандин-Эрдэнэ “NFC” холбооны хамгийн анхны аваргын бүсний төлөө кикбоксын төрлөөр Тайландын тамирчин Танавит Ликиттай тулалдаж, ялалт байгууллаа.

Тэрбээр “Монголдоо сайхан тулаан хийлээ. Тоолох боломжгүй олон рекордтой мутай боксчинг яллаа. Эх орондоо болохоор урагшаа дайрж л ирийг нь дарлаа. Намайг дэмжсэн бүх Монголчууддаа баярлалаа” хэмээн сэтгэгдлээ хуваалцсан байна.