Цахим спортын "CS2" төрлийн энэ оны эхний томоохон тэмцээнүүдийн нэг "ESL Pro League"-ийн 21 дэх улирал Шведийн Стокхольм хотноо үргэлжилж байна. 400 мянган ам.долларын шагналын сантай тус тэмцээнд "The MongolZ" оролцож буй. Өчигдөр /2025.03.10/ тэд плей-оффын эрхийн төлөө төлөөх ээлжит тоглолтоо Францын "3DMAX" багийн эсрэг хийлээ. Хоёр баг өмнө нь дөрвөн удаа учраа таарахад 2:2 гэсэн харьцаатай тэнцсэн байжээ. Гэхдээ үүнээс сүүлийн хоёр тоглолтод нь "The MongolZ" хожсон байна.

Хоёр багийн хайнаа хагалах тулаанд "The MongolZ" баг дахин илүүрхэж, 2-0 гэсэн харьцаатай өрсөлдөгчөө буулган авчээ. Энэхүү тоглолтод "Senzu" буюу М.Азбаяр хувийн үзүүлэлтээрээ багаа манлайлжээ.

Ийнхүү "The MongolZ" баг анх удаа "ESL Pro League"-ийн плей-оффын шатанд шалгарч байна. Үүгээр ч зогсохгүй тэд дөрөв дараалан S зэрэглэлийн буюу "CS2"-ийн хамгийн том, алдартай тэмцээнүүдийн плей-оффт шалгарчээ.