Жүдо бөхийн шигшээ багийн тамирчид энэ сарын 21-22-ны өдрүүдэд ОХУ-н нийслэл Москва хотод зохиогдсон “РОССИЯ ТУР МОСКВА СУПЕР ФИНАЛ-2024” тэмцээнд амжилттай оролцсон байна.

Шагналын сан өндөртэй уг тэмцээнд манай тамирчдаас Б.Сүхбат, Л.Сосорбарам нар түрүүлж, тус тус 400 мянган рубль буюу 11 сая 800 мянга гаруй төгрөгийн шагнал хүртжээ.  

Тус тэмцээнд ОХУ, Монгол, Азербайжан, Казахстан, Беларусь, Куба, Бразил, Грек, Узбекистан, Кипр, Иран, Киргизстан, Молдав, Румын зэрэг улсын тамирчид өрсөлдсөн аж.