"Парис-2024" зуны олимпын чөлөөт бөхийн барилдаан үргэлжилж байна. Өнөөдөр 53 кг-ын жинд Б.Хулан хүч үзнэ.

Тэрбээр Нигерийн бөх Кристиана Огунсаньятай барилдахаар сугалаа таарсан. Дэлхийн бөхийн нэгдсэн холбооноос гаргасан олимпын өмнөх дэлхийн чансаагаар Кристиана Огунсанья нь наймд эрэмбэлэгдэж байгаа юм.

Барилдаан Улаанбаатарын цагаар 17.00 цагаас эхэлнэ. Б.Хулан ялалт байгуулвал дэлхийн хошой аварга, Японы Акари Фүжинами, дэлхийн аварга, АНУ-ын Доминик Парриш нарын хэн ялсантай барилдана.