Монголын багийг америкууд зургаа, италичууд гурван медаль авна гэж таамаглажээ
Парисын олимпод спортын 32 төрөлд 329 багц медалийн төлөө 10,500 тамирчин өрсөлдөнө. АНУ-ын алдарт "Sports Illustrated" сэтгүүлээс олимпын медальтнуудын таамгаа гаргажээ.
Тус сэтгүүлийн сэтгүүлч Брайан Казенеув гаргасан таамгаар Монголын баг энэ удаагийн олимпод нэг мөнгө, таван хүрэл медаль авах аж.
Тодруулбал
- чөлөөт бөхийн эмэгтэйчүүдийн төрөлд 50 кг жинд зодоглох Д.Отгонжаргал мөнгө,
- эмэгтэйчүүдийн 68 кг-д Э.Дэлгэрмаа хүрэл,
- боксын эмэгтэйчүүдийн 54 кг-д М.Энхжаргал хүрэл,
- жүдогийн эрэгтэйчүүдийн 60 кг-д Э.Ариунболд хүрэл,
- жүдогийн 48 кг-д Б.Баасанхүү болон
- эмэгтэйчүүдийн 57 кг-д Л.Энхрийлэнг хүрэл медаль хүртэнэ гэж таамаглав.
Мөн Италийн спортын хамгийн том цахим сайт болох oaspot.it "Парис 2024"-ын таамгаа дэвшүүлжээ. Италичуудын бодлоор Монголын баг нэг мөнгө, хоёр хүрэл медаль хүртэж, медалийн чансаагаар 69-д багтах юм.
Тухайлбал жүдо бөхийн эмэгтэйчүүдийн 48 кг-д Б.Баасанхүү мөнгө, чөлөөт бөхийн эмэгтэйчүүдийн 50 кг-д Д.Отгонжаргал, 68 кг-д Э.Дэлгэрмааг нарыг хүрэл медаль хүртэнэ гэж зөгнөжээ.
Медалийн чансаагаар АНУ-ын багийг 51 алт, 33 мөнгө, 42 хүрэл медалиар илт давамгай тэргүүлнэ гэв.
Эх сурвалж: si.com, oasport.it
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)